اعمال ادبيةتوثيقات

الشاعر أيمن بلال

….إتولد . عاش . مات …

أصل الحياه سطر
بس من ٣ كلمات
إتولد عاش مات
وتحت كل سطر
تلقي آلاف الحكايات
حب فراق صحاب
وحبة بكا عإللي فات
وحكاية كانت هنا
راحت وفاتت ذكريات
وحب أول كان حياه
وف زحمة الحياه مات
وبعده زيف يجر زيف
وكلام يشبه السكات
وحلمك لسه فاضل
حلم كل الأوقات
وأصل الحب الإختلاف
وكل حب وله روايات
عاشق الصمت طبعه
عداه قطر الزمن وفات
لا باح يوم بحبه
ولا قال الحب مات
وهي يادوب حكايته
حب بس ف سكات
وعشق أرض وطين
يعيش جواك سنين
حنين ياخدك لحنين
حب فرسان الحكايات
وحب فيه حبة أمل
حلمه ف الحقيقة إكتمل
سهر وقمر بلا ملل
واللقا يطول بالساعات
وحب فينا يدفينا
ذكري منه راح ترضينا
فرحة لما تميل الدنيا علينا
حلوة دمعته حلوة الآهات
وأنا في العشق كل حكاياته
قلب صعب ينسي ذكرياته
حاضر في الهوي بذاته
إتولد وعاش ومات

… أيمن بلال ….

مقالات ذات صلة

زر الذهاب إلى الأعلى