اعمال ادبيةتوثيقات

الكاتبة د. سهام اسامة

**يعنى إيه مايخصكيش**
أولاً العنوان ده مش بتاعي لكنه يخص شخصية عامة من مزيعي قناه mbc وكأنها ملكت القناة أو ورثتها فراحت تباغتنا ببعض أرائها المريبه التي قد إستفزتني أنا گإمرأه بل جعلتني أتمني أن لو إني أستطيع أن أصفعها على وجهها قلمين أو طلقتين رصاص في نصف رأسها أولاً عشان ما تحتاروا وتجادلوا في هى مين وبنحكي عن مين هي إنسانه عديمة الهويه سقطت علينا من كوكب مريخي أصابه نيزك عته فسقطت علينا بأفكار هدامة وهى المذيعة ( ياسمين عز) آلتي أخبرت كل النساء بأن يكن في حالهن يعنى مايخصكيش جوزك بيكسب إيه ومعاه كام ورصيده في أي بنك هو إنتى هتورثيه بالحيا طيب ياست هانم ياللي بتكسبي من فرجة العالم على برامجك الساذجه السيئه التى قد تخرب عقول بعض الفتيات ألاتي لا يملكون أى خبره أو يجوز أمهاتهن متوفيات ومافيش حد ينصحهم وممكن بما إنك إعلاميه مختله فممكن يتبعوا نصحك الفاسد إزاي مايخصش الزوجة جوزها بيكسب منين أو معاه كام مش جايز حرامى قاتل مأجور نصاب يعنى إيه معرفش أنا باكل لقمة حلال ولا حرام طبعاً ده لأنك بتستحلى فلوسك إللي بتكسبيها من نشر الوعي الفاسد وإيه الكلام القرف إللي بتقوليه ده يعني إيه دلعي جوزك وتطبطبى عليه ناقص كمان تقولى إعملي له عجين الفلاحه يخرب بيت عقلك أنتي إزاي محسوبه من بني جنس النساء يعني إيه يجي من الشغل بوسي إيده وشيلي الشوز بتاعه يعني إيه عادي يدخل بالشوز وإنتي منضفه وماسحه الشقه خير يعني حمارة كانت بشتغل في الشقه مش بنى أدمه ياشيخة دا أنا لما بشوف داده بتمسح أدوار المدرسة في البرد بقول لها حرام عليكى نفسك أجلى ليوم الشمس تكون طالعه إرحموا من في الأرض يرحمكم من في السماء فما بالكم بزوجه يخربيت دماغك وأيوه أنت داخل متحف اللوفر بباريس لأن الست حضرتك هي إللي منضفاك ومخلياك شيك وشوزك بيلمع وياقة قميصك نضيفه دى أهم مظاهر لياقه الراجل بالظبط زي الشقه نظافتها بتبان من الحمام والمطبخ وحوض المواعين يعني إيه عاوزاها على طول نازله تدليل ودلع ورقه معاه هى مراته مالهاش أدوار غير كده خير يعنى طيب هي مين يدلعها أو يدلل فيها البواب مثلاً انتي هابله يابنتي وإيه بقي حكاية هاتي أشيك هدومك وحطيها يدوس عليها دا علي أساس إيه بقي حضرتك أبويا جهزنى وجابلي أشيك هدوم أو أرخصها مايخصكيش المهم إنها بعرق جبين أبويا عشان حضرته يدوس عليها ليه جينكيز خان حضرته ولا إيه تكونيش سٓعتك إتربيتي في بيت جواري فعايزه كل النساء تبقى جواري والله لو بإيدي أحطك علي مقصلة باب زويله لاء كمان زودتي المبله طين وبتنصحي أوعي تقولى لجوزك يا محمد حاف والنبي أبقي غمسيها بمولخيه مطبوخة على رجل أرنب ( إبدأي بـ ياااااا سي محمد) للتفخيم ياريت تتوكسي وتتلهي علي عينك عشان قرفتيني طيب وهو بقي مصرح له ينده لها ويقول إيه يامدام ولا ياهانم ولا يا ملكة حياتي للتفخيم برده يا أستاذه الحياة الزوجية أبسط من كده بكتير ولو ماتعرفيش تعالي وأنا أعلمك يعني إيه قانون التظاهر بالإحترام وقانون الحياة الزوجية السعيدة وبطلي تخلف ونشر وعي خاطئ وياريت بقي المسؤولين يتخذوا قرار إقاله لحضرتك وتقعدي بقي تنادي على سي محمد للتفخيم وإتقي الله في بنات جنسك إللي عايزه البيه لو مافيش طفايه يطفي السجارة عادي لو طفاها في جسمك يامفتريه ليه يعني متجوزه سجان من سجن أبو غريب مش هيعمل كده والله كنت حزنت أهله عليه كتك القرف قرفتيني وقرفتي كل النسوان منك لقد خلقنا الله متساويان في أصل النشأة، متساويان في الخصائص الإنسانية العامة، متساويان في التكاليف والمسؤولية، متساويان في الجزاء والمصير، وفي ذلك يقول القرآن الكريم: ﴿يَاأَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالأَرْحَامَ إِنَّ اللَّهَ كَانَ عَلَيْكُمْ رَقِيبًا ﴾ [النساء: 1]. صدق الله العظيم إستفيقوا لما تسمعون وإنتقوا من يفقه قوله وحسن أولئك رفيقا صالحا ترضاه لنفسك ويرضاك لنفسه.
بقلمي سهام اسامه
Seham Osama

مقالات ذات صلة

شاهد أيضاً
إغلاق
زر الذهاب إلى الأعلى