الشاعر السيد عطا الله

احلم بالربيع 🌹
*********
بقلمي/ السيد عطاالله

احلم والحلم مشروع
احلم واكتب موضوع
للربيع عوده و رجوع
الحلم ابدا مش ممنوع

احلم بالورد والأزهار
احلم ليلك بعده نهار
احلم و للربيع اختار
احلم بفرح بعد دموع

احلم و بكره تشوف
احلم و بلاش خوف
يهل قمر بعد كسوف
احلم بشبع بعد جوع

احلم ما عليك حساب
اليأس وحش له أنياب
الأمل راجع بعد غياب
احلم بصوت مسموع

احلم وعلي الصوت
إللي يحلم ما يموت
من باب الامل فوت
ياسك ده سم منقوع

كلمات السيد عطا الله